امریکا محاصرہ اور جارحیت ختم کرے تو آبنائے ہرمز کھول دیں گے: مسعود پزشکیان

ایران کے صدر مسعود پزشکیان نے واضح اعلان کیا ہے کہ اگر امریکہ اپنے تمام تر غیر قانونی محاصرے اور جارحانہ اقدامات کا خاتمہ کر دے تو ایران آبنائے ہرمز میں بحری رفت و آمد کی مکمل آزادی فراہم کر دے گا۔ انڈین میڈیا کو انٹرویو دیتے ہوئے ایرانی صدر کا کہنا تھا کہ جب امریکہ جنگی میدان میں اپنے شوم مقاصد حاصل کرنے میں ناکام رہا تو اس نے ناکہ بندی اور بحری محاصرے کا راستہ اختیار کیا، تاہم واشنگٹن کی یہ خام خیالی ہے کہ ایسے اقدامات سے ایران کو گھٹنے ٹیکنے پر مجبور کیا جا سکتا ہے۔

صدر مسعود پزشکیان نے انکشاف کیا کہ پیر کے روز عمان میں عرب ممالک کے وزرائے خارجہ کا ایک اہم اجلاس منعقد ہو رہا ہے، جس میں ایران اور عمان آبنائے ہرمز میں مشترکہ بحری راستے سے متعلق ایک تاریخی معاہدے پر دستخط کریں گے، جسے بعد ازاں بین الاقوامی میری ٹائم آرگنائزیشن (IMO) میں بھی جمع کرایا جائے گا۔ انہوں نے مزید بتایا کہ اس اجلاس میں وہ علاقائی ممالک بھی شرکت کریں گے جن کی سرزمین سے ماضی میں ایران کے خلاف حملے کیے گئے۔ ایرانی صدر کے مطابق بحری راستہ ہی ایران کی معیشت و بقا کا واحد سہارا نہیں ہے اور ایرانی قوم امریکی دباؤ کے سامنے ہرگز نہیں جھکے گ