عالمی و مقامی سطح پر سونا مزید سستا ہوگیا

کراچی: بین الاقوامی بلین مارکیٹ میں سونے کی قیمتوں میں منفی رجحان کے باعث پاکستان بھر کے مقامی صرافہ بازاروں میں بھی سونا اور چاندی ارزاں ہو گئے ہیں۔ عالمی مارکیٹ میں فی اونس سونے کی قیمت 6 ڈالر کی کمی کے ساتھ 4 ہزار 398 ڈالر کی سطح پر آنے کے بعد مقامی سطح پر فی تولہ سونے کی قیمت میں 600 روپے اور دس گرام سونے کی قیمت میں 515 روپے کی کمی ریکارڈ کی گئی۔ اس کمی کے بعد ملکی صرافہ مارکیٹوں میں فی تولہ سونا 4 لاکھ 62 ہزار 336 روپے اور دس گرام سونا 3 لاکھ 96 ہزار 378 روپے کا ہو گیا ہے۔ دوسری جانب چاندی کے نرخوں میں بھی تنزلی دیکھی گئی، جہاں فی تولہ چاندی کی قیمت 17 روپے کی کمی سے 7 ہزار 124 روپے اور فی 10 گرام چاندی کی قیمت 15 روپے گھٹ کر 6 ہزار 107 روپے کی سطح پر آ گئی ہے۔