سٹاک مارکیٹ میں مسلسل تیسرے روز بھی مندی، کاروبار کا منفی رجحان رہا

کراچی: پاکستان سٹاک ایکسچینج (PSX) میں مسلسل تیسرے کاروباری روز بھی مندی کا غلبہ رہا، جس کے باعث ہنڈرڈ انڈیکس میں مزید شدید گراوٹ دیکھنے میں آئی اور سرمایہ کاروں کو اربوں روپے کا نقصان برداشت کرنا پڑا۔

کاروباری ہفتے کے تیسرے روز کے اختتام پر کے ایس ای-100 (KSE-100) انڈیکس 698 پوائنٹس کی کمی کے ساتھ 1,71,943 کی سطح پر بند ہوا۔ کاروبار کے دوران مارکیٹ میں فروخت کا دباؤ غالب رہا جس سے انڈیکس نچلی سطح پر چلا گیا۔

واضح رہے کہ اس سے قبل گزشتہ کاروباری دن کے اختتام پر بھی سٹاک مارکیٹ میں 993 پوائنٹس کی بڑی کمی ریکارڈ کی گئی تھی اور انڈیکس 1,72,642 پوائنٹس کی سطح پر بند ہوا تھا۔ مسلسل تین روز سے جاری اس منفی رجحان کے باعث مارکیٹ میں سرمایہ کار محتاط رویہ اختیار کیے ہوئے ہیں۔