جونیئر ہاکی ایشیا کپ: پاکستانی ٹیم نے چین کو بھی شکست دے دی

چین میں جاری جونیئر ہاکی ایشیا کپ میں پاکستان جونیئر ہاکی ٹیم نے شاندار کارکردگی کا تسلسل برقرار رکھتے ہوئے میزبان چین کو 2-4 سے شکست دے کر ایونٹ میں مسلسل دوسری فتح حاصل کر لی ہے۔ اس سے قبل قومی جونیئر ٹیم نے اپنے افتتاحی میچ میں قازقستان کو 0-15 کے بڑے مارجن سے شکست دی تھی۔ مسلسل دو کامیابیوں کے بعد قومی ٹیم کے حوصلے بلند ہیں اور وہ ایونٹ میں اپنا تیسرا میچ 8 ستمبر کو ملائیشیا کے خلاف کھیلے گی، جہاں ٹیم مسلسل تیسری جیت حاصل کرنے کے عزم کے ساتھ میدان میں اترے گی۔