ان کی تنقید سے فرق نہیں پڑتا جنہوں نے خود کچھ نہیں کیا: چیئرمین پی سی بی

پاکستان کرکٹ بورڈ (پی سی بی) کے چیئرمین محسن نقوی نے قومی کرکٹ ٹیم کی حالیہ ناقص کارکردگی پر شدید افسوس کا اظہار کرتے ہوئے کہا ہے کہ ٹیم کی خراب پرفارمنس کا انہیں انتہائی دکھ ہے۔ نجی ٹی وی سے گفتگو کرتے ہوئے انہوں نے کہا کہ انگلینڈ میں کیے گئے اقدامات ضروری تھے، تاہم کارکردگی کے علاوہ بھی دیگر انتظامی اور تکنیکی معاملات ہیں جن کا فی الوقت جائزہ لیا جا رہا ہے۔ محسن نقوی نے تنقید کرنے والوں کو آڑے ہاتھوں لیتے ہوئے کہا کہ جن لوگوں نے خود عملی طور پر کچھ نہیں کیا ان کی تنقید سے کوئی فرق نہیں پڑتا، اور وہ نہ تو پہلے تنقید سے گھبرائے ہیں اور نہ ہی اب گھبراتے ہیں۔