بھارت کو آئی سی سی ویمنز چیمپئنز ٹرافی 2027 کی میزبانی مل گئی

انٹرنیشنل کرکٹ کونسل (آئی سی سی) نے پہلی ویمنز چیمپئنز ٹرافی 2027ء کے میزبان ملک کا اعلان کر دیا ہے، جس کے تحت اس تاریخ ساز ایونٹ کی میزبانی بھارت کرے گا۔ یہ ٹورنامنٹ 14 سے 28 فروری 2027ء تک ممبئی اور وڈودرا میں کھیلا جائے گا، جس میں ویمنز ٹی ٹوئنٹی رینکنگ کی بنیاد پر آسٹریلیا، انگلینڈ، بھارت، نیوزی لینڈ، جنوبی افریقہ اور سری لنکا کی 6 ٹیمیں حصہ لیں گی۔ واضح رہے کہ ویمنز چیمپئنز ٹرافی کی میزبانی پہلے سری لنکا کو دی گئی تھی، تاہم آئی سی سی کی گائیڈ لائنز کے مطابق بعض ضروری اصلاحات پر مکمل عملدرآمد نہ ہونے کے باعث ایونٹ بھارت منتقل کر دیا گیا ہے۔