قومی ہاکی چیمپئن شپ کی انعامی رقم میں کئی گنا اضافہ

پاکستان ہاکی فیڈریشن (پی ایچ ایف) نے قومی ہاکی چیمپئن شپ کی انعامی رقم میں 10 گنا تاریخی اضافہ کر دیا ہے۔ صدر پی ایچ ایف محی الدین وانی کے مطابق فیڈریشن کی جانب سے مجموعی طور پر 2 کروڑ 80 لاکھ روپے انعامی رقم دینے کا اعلان کیا گیا ہے، جس کے تحت چیمپئن شپ میں شرکت کرنے والے کھلاڑیوں کو لاکھوں روپے ملیں گے۔ انہوں نے یاد دہانی کرائی کہ ماضی میں کھلاڑیوں کو صرف ڈیلی الاؤنس اور رہائش کی سہولت فراہم کی جاتی تھی۔ واضح رہے کہ قومی سینئر، جونیئر اور انڈر 15 ہاکی چیمپئن شپ کا انعقاد اگلے سال جنوری 2027ء میں کیا جائے گا۔