پاکستان اسٹاک ایکسچینج میں مسلسل دوسرے روز مندی، 100 انڈیکس 509 پوائنٹس کی کمی پر بند

پاکستان اسٹاک ایکسچینج (PSX) میں کاروباری ہفتے کے دوران مسلسل دوسرے روز بھی مندی کا رجحان غالب رہا، جس کے نتیجے میں KSE-100 انڈیکس 509 پوائنٹس کی کمی کے ساتھ 176,467 کی سطح پر بند ہوا۔ دن بھر کے تمام تر کاروبار کے دوران انڈیکس کی بلند ترین سطح 177,800 اور کم ترین سطح 176,375 پوائنٹس ریکارڈ کی گئی۔ مارکیٹ میں مجموعی طور پر 37 ارب 41 کروڑ روپے مالیت کے 78 کروڑ 45 لاکھ شیئرز کے سودے ہوئے۔ مجموعی طور پر 569 کمپنیوں نے کاروبار میں حصہ لیا، جن میں سے 292 کمپنیوں کے شیئرز کی قیمتوں میں کمی جبکہ 174 کمپنیوں کے شیئرز میں اضافہ دیکھا گیا۔