عالمی و مقامی سطح پر سونا سستا، چاندی مہنگی

عالمی اور مقامی صرافہ بازاروں میں سونے کی قیمتوں میں کمی جبکہ چاندی کی قیمت میں اضافہ ریکارڈ کیا گیا ہے۔ آل پاکستان صرافہ ایسوسی ایشن کے مطابق ملک بھر میں 24 قیراط فی تولہ سونا 1,800 روپے سستا ہو کر 4 لاکھ 66 ہزار 136 روپے پر آ گیا ہے، جبکہ 10 گرام سونے کا بھاؤ 1,543 روپے کی کمی کے بعد 3 لاکھ 99 ہزار 636 روپے ہو گیا ہے۔ دوسری جانب عالمی مارکیٹ میں فی اونس سونا 18 ڈالر کی کمی کے ساتھ 4,436 ڈالر کی سطح پر آ گیا ہے۔ اس کے برعکس چاندی کی قیمتوں میں اضافہ دیکھا گیا جہاں 24 قیراط فی تولہ چاندی کا بھاؤ 67 روپے بڑھ کر 7 ہزار 179 روپے کی سطح پر پہنچ گیا ہے۔