پاکستان انڈر 19 ٹیم دورہ انگلینڈ کیلئے روانہ

پاکستان انڈر 19 کرکٹ ٹیم انگلینڈ کے اہم دورے کے لیے لاہور سے براستہ دبئی روانہ ہو گئی ہے۔ اس دورے کے دوران پاکستان اور انگلینڈ کی انڈر 19 ٹیموں کے درمیان ایک یوتھ ٹیسٹ اور چار یوتھ ون ڈے میچز پر مشتمل سیریز کھیلی جائے گی۔ شیڈول کے مطابق واحد یوتھ ٹیسٹ میچ 2 سے 5 ستمبر تک ارونڈل کاسل کرکٹ گراؤنڈ میں کھیلا جائے گا، جبکہ چار ون ڈے میچز کی سیریز 9 سے 16 ستمبر تک جاری رہے گی۔ ون ڈے سیریز کا پہلا میچ ارونڈل، دوسرا گلڈ فورڈ اور آخری دو مقابلے ورمزلے میں کھیلے جائیں گے۔