آزاد جموں و کشمیر قانون ساز اسمبلی کا اجلاس آج، نئے قائد ایوان کا انتخاب ہو گا

آزاد جموں و کشمیر قانون ساز اسمبلی کا اہم اجلاس آج  منعقد ہوگا جس میں نئے قائد ایوان (وزیراعظم) کا انتخاب عمل میں لایا جائے گا۔ جاری کردہ الیکشن شیڈول کے مطابق کاغذات نامزدگی صبح 9:30 سے 10:30 بجے تک جمع کروائے جا سکیں گے، جس کے بعد 10:30 سے 10:45 بجے تک جانچ پڑتال کا عمل مکمل کیا جائے گا۔ امیدواران کی حتمی فہرست دوپہر 12 بجے آویزاں کی جائے گی جبکہ وزیراعظم کے انتخاب کے لیے ووٹنگ کا عمل نماز جمعہ کے بعد دوپہر 2 بجے شروع ہوگا۔ پاکستان پیپلزپارٹی کے سینئر رہنما شوکت جاوید میر کے مطابق پی پی پی نے وزیراعظم کے عہدے کے لیے سردار مختار احمد خان کو اپنا امیدوار نامزد کر دیا ہے۔