ڈربی نائٹ کلب واقعہ، برائیڈن کارس کے پولیس کی حراست میں رہنے کا انکشاف

انگلینڈ کے فاسٹ باؤلر برائیڈن کارس کو ڈربی کے ایک نائٹ کلب کے باہر مبینہ واقعے کے بعد پولیس نے کچھ دیر کے لیے حراست میں لیا، تاہم بعد میں انہیں بغیر کسی چارج کے رہا کر دیا گیا۔ سوشل میڈیا پر وائرل ہونے والی ویڈیوز میں برائیڈن کارس کو پولیس اہلکار ہتھکڑیاں لگا کر لے جاتے ہوئے دیکھے جا سکتے ہیں، جس پر انگلینڈ اینڈ ویلز کرکٹ بورڈ (ای سی بی) نے باضابطہ تحقیقات شروع کر دی ہیں۔ برائیڈن کارس واقعے کے وقت اپنے ساتھی کھلاڑی میتھیو پوٹس کے ہمراہ موجود تھے، جبکہ ہتھکڑی لگائے جانے کی اصل وجوہات فی الحال واضح نہیں ہو سکی ہیں۔ واضح رہے کہ برائیڈن کارس پاکستان کے خلاف دوسرے ٹیسٹ کے لیے انگلش اسکواڈ کا حصہ ہیں، جبکہ وہ پہلے ٹیسٹ میں شرکت نہیں کر سکے تھے۔