ہاکی ورلڈ کپ میں پاکستان کی 16 سالہ بعد جیت، جاپان کو 3-4 سے شکست دیدی

نیدرلینڈز میں جاری ایف آئی ایچ (FIH) ہاکی ورلڈ کپ کے کلاسیفکیشن میچ میں پاکستان نے سنسنی خیز مقابلے کے بعد جاپان کو 3 کے مقابلے میں 4 گول سے شکست دے دی ہے۔ ہاکی ورلڈ کپ کی تاریخ میں پاکستان کی یہ 16 سال بعد پہلی کامیابی ہے؛ اس سے قبل قومی ٹیم نے آخری بار 2010 کے ورلڈ کپ میں اسپین کو 1-2 سے ہرایا تھا، جبکہ 2014 میں ٹیم کوالیفائی نہ کر سکی اور 2018 میں کوئی میچ نہ جیت سکی تھی۔

جاپان کے خلاف اس اہم میچ میں پاکستان کی جانب سے رانا وحید نے شاندار کھیل کا مظاہرہ کرتے ہوئے 2 گول اسکور کیے، جبکہ حنان شاہد اور حماد نے ایک ایک گول کر کے ٹیم کی جیت میں اہم کردار ادا کیا۔ اس کامیابی کے ساتھ ہی نیدرلینڈز میں جاری ورلڈ کپ میں پاکستان نے اپنے فاتحانہ سفر کا آغاز کر دیا ہے۔