اسحاق ڈار سے ملائیشیا کے وزیر داخلہ کی ملاقات، باہمی امور پر تبادلہ خیال

پاکستان کے نائب وزیراعظم اور وزیرِ خارجہ اسحاق ڈار سے ملائیشیا کے وزیرِ داخلہ داتوک سری سیف الدین نصر بن اسماعیل نے ایک اہم ملاقات کی ہے۔ ترجمان دفترِ خارجہ کے مطابق ملاقات میں پاکستان اور ملائیشیا کے درمیان موجود دیرینہ اور برادرانہ تعلقات کو مزید وسعت دینے کے عزم کا اعادہ کیا گیا۔ اس موقع پر دونوں رہنماؤں نے تجارت، معیشت، اور قانونی معاونت سمیت دیگر اہم شعبوں میں دوطرفہ تعاون بڑھانے کے مختلف امور پر تفصیلی تبادلہ خیال کیا۔ علاوہ ازیں باہمی دلچسپی کے علاقائی و بین الاقوامی معاملات پر بھی گفتگو کی گئی، جبکہ فریقین نے خطے کے امن، استحکام اور مشترکہ خوشحالی کے اہداف کے حصول کے لیے قریبی شراکت داری کو جاری رکھنے پر اتفاق کیا۔