سموگ اور فوگ کا خدشہ: بلدیاتی الیکشن اپریل 2027 میں کرانے کی تجویز

پنجاب میں بلدیاتی انتخابات مقررہ وقت پر نہ ہونے کی اصل وجہ سامنے آ گئی ہے۔ محکمہ سکول ایجوکیشن نے سموگ اور شدید دھند کے ممکنہ خطرات کے پیش نظر 15 دسمبر سے یکم جنوری تک انتخابات کی تاریخ تبدیل کرنے کی تجویز دی ہے، جس کے بعد محکمہ بلدیات پنجاب نے انتخابات دسمبر یا جنوری کے بجائے اپریل 2027 میں کرانے پر غور شروع کر دیا ہے۔ ذرائع کے مطابق اس حوالے سے وزیراعلیٰ پنجاب کو کابینہ اجلاس میں تفصیلی بریفنگ دی جائے گی، جبکہ الیکشن کمیشن کا شیڈول بھی کابینہ کمیٹی کے سامنے پیش ہوگا۔ وزیر بلدیات پنجاب ذیشان رفیق نے بھی اس بات کی تصدیق کی ہے کہ تاریخ کی تبدیلی سے متعلق تجویز زیرِ غور ہے اور انتخابات کی نئی تاریخ یا حتمی فیصلہ وزیراعلیٰ پنجاب کی منظوری اور متعلقہ فورمز پر مشاورت سے مشروط ہوگا۔