ایران نے ہتھیاروں کی رینج بڑھانے کی پالیسی واضح کردی

ایرانی سپریم لیڈر کے عسکری مشیر جنرل محمد رضا نقدی نے ایک بیان میں واضح کیا ہے کہ رہبر انقلاب کی اجازت ملتے ہی میدانِ جنگ کی ضروریات کے مطابق ایرانی ہتھیاروں کی طاقت اور مار کرنے کی رینج میں اضافہ کر دیا جائے گا۔ انہوں نے کہا کہ ایران اپنے ہتھیار ملکی سطح پر خود تیار کرتا ہے اور ان کی محدود رینج کسی تکنیکی کمزوری کی وجہ سے نہیں بلکہ مخصوص پالیسی اور ملکی ضروریات کے تحت ہے۔ آبنائے ہرمز کے حوالے سے دعویٰ کرتے ہوئے انہوں نے کہا کہ اس اہم گزرگاہ پر مسلح افواج کا مکمل کنٹرول ہے اور آبنائے ہرمز اس وقت بند ہے۔ ان کا مزید کہنا تھا کہ چھوٹے بحری جہازوں کے ذریعے تیل کی غیر قانونی منتقلی کے لیے بنائے گئے خفیہ راستوں کو بند کرنے کی تمام تیاریاں مکمل کر لی گئی ہیں اور انہیں جلد ختم کر دیا جائے گا۔