پاکستان نیوی کی بحیرہ عرب میں بڑی کارروائیاں، 96 ملین ڈالر مالیت کی منشیات برآمد

پاک فوج کے شعبہ تعلقات عامہ (آئی ایس پی آر) کے مطابق پاکستان نیوی کے جہاز ’یَرموک‘ نے بحیرہ عرب میں کامیاب انسدادِ منشیات کارروائیوں کے دوران 96 ملین امریکی ڈالر مالیت کی بھاری مقدار میں منشیات برآمد کر لی ہے۔ پاکستانی ساحل سے دور کی جانے والی ان کارروائیوں میں دو مشکوک بحری جہازوں (دھاؤں) کو روکا گیا، جن کے خفیہ خانوں سے تقریباً 850 کلوگرام آئس اور 2,000 کلوگرام چرس/بھنگ برآمد ہوئی۔ ضبط کی گئی منشیات کو تحویل میں لے کر قانون کے مطابق تلفی کی کارروائی کے لیے متعلقہ حکام کے حوالے کیا جا رہا ہے۔ آئی ایس پی آر کا کہنا ہے کہ یہ شاندار کامیابیاں پاکستان نیوی کی مسلسل سمندری موجودگی، پیشہ ورانہ چوکسی اور خطے میں غیر قانونی سمگلنگ کے خاتمے کے غیر متزلزل عزم کی منہ بولتی تصویر ہیں۔