حکومت اسلام آباد میں کسی بھی صورت چڑھائی نہیں ہونے دے گی: طارق فضل چودھری

وفاقی وزیر پارلیمانی امور طارق فضل چودھری نے سینئر صحافیوں سے گفتگو کرتے ہوئے واضح کیا ہے کہ حکومت اسلام آباد پر کسی بھی قسم کی چڑھائی کی ہرگز اجازت نہیں دے گی۔ انہوں نے دعویٰ کیا کہ بارہ اضلاع میں صوبائی حکومت کی کوئی عمل داری نہیں ہے، جبکہ بانی پی ٹی آئی کی بہتر دیکھ بھال کے لیے حکومت کی جانب سے ہر ممکنہ اقدامات کیے جا رہے ہیں۔ چیف الیکشن کمشنر اور اراکین کی تقرریوں کو ایک آئینی معاملہ قرار دیتے ہوئے انہوں نے انکشاف کیا کہ اپوزیشن لیڈر محمود اچکزئی اپنی آئینی ذمہ داریاں ادا نہیں کر رہے اور وزیراعظم کی جانب سے دو بار رابطے کے باوجود انہوں نے ملاقات سے انکار کر دیا ہے۔