ہاکی ورلڈ کپ: پاکستان ٹیم آج ویلز کیخلاف اہم میچ کیلئے میدان میں اترے گی

ہاکی ورلڈ کپ میں مایوس کن آغاز کے بعد پاکستان ہاکی ٹیم آج ہالینڈ میں ویلز کے خلاف اپنے دوسرے میچ میں فتح حاصل کرنے کے لیے میدان میں اترے گی۔ چار بار کی عالمی چیمپئن پاکستان ٹیم، جو 8 سال کے طویل عرصے بعد ورلڈ کپ کھیل رہی ہے، کو اپنے پہلے میچ میں انگلینڈ کے ہاتھوں 1-4 سے شکست کا سامنا کرنا پڑا تھا۔ کوچنگ اسٹاف نے پہلے میچ میں کھلاڑیوں کی جانب سے چار یقینی گول کرنے کے مواقع ضائع کرنے پر شدید تشویش کا اظہار کیا ہے۔ دوسری جانب ویلز کی ٹیم کو بھی اپنے افتتاحی میچ میں بھارت سے 1-3 سے ناکامی ملی تھی، جس کے باعث اگلے مرحلے تک رسائی برقرار رکھنے کے لیے آج کا مقابلہ دونوں ٹیموں کے لیے انتہائی اہم ہے۔ یہ اہم میچ آج دوپہر 3:30 بجے کھیلا جائے گا۔