’’شاید یہ میرا آخری سال ہو‘‘ رونالڈو نے ریٹائرمنٹ کا عندیہ دے دیا

پرتگال سے تعلق رکھنے والے دنیا کے مقبول ترین فٹبالر کرسٹیانو رونالڈو نے اپنے ریٹائرمنٹ کے منصوبوں پر خاموشی توڑتے ہوئے اشارہ دیا ہے کہ جاری سیزن بطور پیشہ ور فٹبالر ان کا آخری سیزن ہو سکتا ہے۔ حال ہی میں اپنی ساتھی جارجینا روڈریگز سے شادی کے بعد دیے گئے ایک انٹرویو میں 41 سالہ سٹار نے بتایا کہ وہ اب اپنے مستقبل کو خاندان کے گرد ترتیب دینا چاہتے ہیں۔ انہوں نے کہا کہ 25 سالہ قربانیوں سے بھرپور سفر کے بعد وہ تفریح، پیڈل کھیلنے، سفر کرنے اور اپنی کامیابیوں سے لطف اندوز ہونے کا ارادہ رکھتے ہیں۔ 5 مرتبہ کے بیلن ڈی اور اور چیمپئنز لیگ فاتح رونالڈو اس وقت سعودی پرو لیگ کی ٹیم النصر کی نمائندگی کر رہے ہیں، اور انہوں نے فیفا ورلڈ کپ کے حوالے سے حتمی فیصلہ اپنے خاندان کی مشاورت سے کرنے کا عزم ظاہر کیا ہے۔