انگلینڈ کیخلاف ٹیسٹ سیریز کیلئے قومی ٹیم لیڈز پہنچ گئی

پاکستان کا قومی ٹیسٹ اسکواڈ انگلینڈ کے خلاف آئندہ ٹیسٹ سیریز کے لیے لیڈز پہنچ گیا ہے۔ قومی کرکٹ ٹیم کل صبح ساڑھے 9 بجے ہیڈنگلے کرکٹ گراؤنڈ میں اپنے پہلے پریکٹس سیشن میں حصہ لے گی۔ پاکستان اور انگلینڈ کے درمیان تین ٹیسٹ میچوں پر مشتمل سیریز کا پہلا میچ 19 اگست سے ہیڈنگلے میں کھیلا جائے گا۔ واضح رہے کہ قومی ٹیم ویسٹ انڈیز کا کامیابی سے دورہ مکمل کرنے کے بعد براہِ راست انگلینڈ کے لیے روانہ ہوئی تھی، جہاں کھلاڑی سیریز کے آغاز سے قبل ٹریننگ سیشنز میں اپنی تیاریاں مکمل کریں گے۔