نیشنل چیمپئنز کپ: پاکستان گولڈ نے وائٹ کو شکست دے کر فائنل میں جگہ بنا لی

پاکستان گولڈ نے نیشنل چیمپئنز کپ کے سیمی فائنل میں پاکستان وائٹس کو شکست دے کر فائنل کے لیے کوالیفائی کر لیا ہے۔ پاکستان وائٹس کی جانب سے دیے گئے 173 رنز کے ہدف کو پاکستان گولڈ نے 28ویں اوور میں ہی حاصل کر لیا۔ فاتح ٹیم کی جانب سے حیدر علی نے شاندار آل راؤنڈ کارکردگی کا مظاہرہ کرتے ہوئے 69 رنز کی میچ وننگ اننگز کھیلی، جبکہ کامران غلام نے 30 اور شامل حسین نے 15 رنز بنائے۔ پاکستان وائٹس کی جانب سے وسیم جونیئر نے دو، جبکہ صائم ایوب، شاہنواز دھانی اور علی رضا نے ایک ایک وکٹ حاصل کی۔ شاندار اننگز کھیلنے پر پاکستان گولڈ کے حیدر علی کو ’مین آف دی میچ‘ کا ایوارڈ دیا گیا