آئی ٹی ایف ماسٹرز ورلڈ ٹینس چیمپئن شپ: اعصام الحق کا مکسڈ ڈبلز ٹائٹل کا کامیابی سے دفاع

آئی ٹی ایف ماسٹرز ورلڈ ٹینس چیمپئن شپ میں پاکستان کے نامور ٹینس اسٹار اعصام الحق قریشی نے شاندار کارکردگی کا مظاہرہ کرتے ہوئے ورلڈ مکسڈ ڈبلز ٹائٹل کا کامیابی سے دفاع کر لیا اور گولڈ میڈل اپنے نام کر لیا۔ فائنل معرکے میں اعصام الحق اور ان کی جرمن پارٹنر نینا ہرمن نے پرتگال کے فریڈ گل اور ریٹا فریٹاس کی جوڑی کو اسٹریٹ سیٹس میں 6-4 اور 6-3 سے برتر کھیل پیش کرتے ہوئے شکست دی۔ دوسری جانب مینز ڈبلز کے فائنل میں اعصام الحق اور عقیل خان پر مشتمل پاکستانی جوڑی نے شاندار پیش رفت کرتے ہوئے سلور میڈل حاصل کیا۔ اس فتح کے ساتھ ہی پاکستان نے آئی ٹی ایف ماسٹرز ورلڈ ٹینس چیمپئن شپ میں مجموعی طور پر 4 میڈلز جیت کر عالمی سطح پر ملک کا نام روشن کر دیا ہے۔