سٹار فٹبالر کرسٹیانو رونالڈو اور جارجینا روڈریگز نے شادی کرلی

عالمگیر شہرت یافتہ پرتگالی فٹبالر کرسٹیانو رونالڈو اور ان کی طویل المدتی پارٹنر جارجینا روڈریگز نے بالآخر باضابطہ طور پر شادی کر لی ہے۔ رپورٹ کے مطابق دونوں نے اپنے قریبی رشتہ داروں اور دوستوں کی موجودگی میں ایک نجی اور پروقار تقریب کے دوران شادی کے بندھن میں بندھنے کا فیصلہ کیا۔ دونوں کافی عرصے سے ایک دوسرے کے ساتھ رہ رہے تھے اور ان کے متعدد بچوں کی دیکھ بھال بھی مل کر کر رہے تھے۔ کرسٹیانو رونالڈو اور جارجینا کی شادی کی خبر سامنے آتے ہی دنیا بھر میں ان کے مداحوں اور کھیل سے وابستہ شخصیات کی جانب سے مبارکباد کے پیغامات کا سلسلہ شروع ہو گیا ہے۔