عالیہ نیلم کا بڑا اعزاز، 23 خالی ججز کی آسامیاں پُر کرنے والی پہلی چیف جسٹس بن گئیں

چیف جسٹس لاہور ہائیکورٹ جسٹس عالیہ نیلم نے عدالت عالیہ میں خالی 23 ججز کی آسامیاں پُر کرنے والی پہلی چیف جسٹس بننے کا منفرد اعزاز اپنے نام کر لیا ہے। اس اہم پیش رفت کے ساتھ ہی لاہور ہائیکورٹ میں نئے تعینات ہونے والے 10 ججز نے اپنے عہدوں کا حلف اٹھا لیا، جن سے چیف جسٹس عالیہ نیلم نے حلف لیا۔ حلف اٹھانے والے ججوں میں جسٹس سید فرہاد علی شاہ، جسٹس امجد پرویز، جسٹس اسد علی باجوہ، جسٹس غلام سرور نہنگ، جسٹس شیریں عمران، جسٹس عثمان غنی راشد چیمہ، جسٹس منور دوگل، جسٹس امیر عجم ملک، جسٹس خالد ابن عزیز اور جسٹس اجمل خان شامل ہیں۔

چیف جسٹس عالیہ نیلم کے دورِ قیادت میں لاہور ہائیکورٹ میں خالی آسامیوں کی بڑی تعداد پر تقرریاں عمل میں لائی گئی ہیں، جس کے بعد انہیں لاہور ہائیکورٹ کی تاریخ میں سب سے زیادہ خالی آسامیاں پُر کرنے والی چیف جسٹس کا اعزاز حاصل ہو گیا ہے۔ واضح رہے کہ ان نئے ججز کی تعیناتی کی منظوری 21 جولائی کو چیف جسٹس آف پاکستان کی زیر صدارت منعقد ہونے والے جوڈیشل کمیشن کے اجلاس میں دی گئی تھی