پاکستان، سعودی عرب اور ترکیہ کے دفاعی معاہدے پر بحرین کا خیرمقدم

پاکستان، سعودی عرب اور ترکیہ کے درمیان مکہ مکرمہ میں طے پانے والے تاریخی مشترکہ دفاعی معاہدے پر بحرین نے بھی اپنے مثبت ردعمل کا اظہار کیا ہے۔ بحرین کے وزیر خارجہ ڈاکٹر عبداللطیف بن راشد الزیانی نے نائب وزیراعظم و وزیر خارجہ سینیٹر محمد اسحاق ڈار سے ٹیلیفون پر رابطہ کر کے اس اہم پیش رفت اور سہ فریقی دفاعی معاہدے کی منظوری پر مبارکباد پیش کی۔ گفتگو کے دوران بحرینی وزیر خارجہ نے مستقبل قریب میں پاکستان کا دورہ کرنے کی خواہش ظاہر کی، جس کا نائب وزیراعظم اسحاق ڈار نے گرمجوشی سے خیرمقدم کیا۔ ترجمان دفتر خارجہ کے مطابق پاکستان خطے اور اس سے باہر پائیدار امن، استحکام اور سلامتی کے لیے مذاکرات، سفارتی روابط اور پرامن ذرائع کو فروغ دینے کے لیے پُرعزم ہے۔