وزیراعظم سے وفاقی وزیر برائے دفاعی پیداوار رضا حیات ہراج کی ملاقات

وزیراعظم محمد شہباز شریف سے وفاقی وزیر برائے دفاعی پیداوار محمد رضا حیات ہراج نے باضابطہ ملاقات کی ہے۔ ملاقات کے دوران ملک کے دفاعی اور صنعتی شعبوں کی پیشرفت سمیت باہمی دلچسپی کے اہم امور پر تبادلہ خیال کیا گیا۔

ملاقات کے دوران وفاقی وزیر دفاعی پیداوار نے وزیراعظم کو تاریخی مکہ مشترکہ دفاعی معاہدے کی کامیابی پر خصوصی مبارکباد پیش کی۔ اس موقع پر انہوں نے اپنی وزارت کے تحت چلنے والے اہم امور، دفاعی صنعتی صلاحیتوں میں اضافے اور جاری ترقیاتی منصوبوں کی پیشرفت پر بھی وزیراعظم کو تفصیلی بریفنگ دی۔

وزیراعظم شہباز شریف نے وزارتِ دفاعی پیداوار کے اقدامات اور ملکی دفاعی صلاحیتوں کو خودکفالت کی طرف گامزن کرنے کے عزم کو سراہا اور متعلقہ منصوبوں کو مقررہ ٹائم لائنز کے مطابق مکمل کرنے کی ہدایت کی۔