عالمی و مقامی سطح پر سونے کی قیمت میں مسلسل اضافہ

عالمی اور مقامی صرافہ مارکیٹوں میں سونے کی قیمتوں میں مسلسل چھٹے روز بھی بڑا اضافہ ریکارڈ کیا گیا ہے۔ آل پاکستان صرافہ مارکیٹ اینڈ جیولرز ایسوسی ایشن کے مطابق ملک میں 24 قیراط فی تولہ سونے کی قیمت میں 2,400 روپے کا مزید اضافہ ہوا ہے، جس کے بعد نئی قیمت 4 لاکھ 59 ہزار 736 روپے کی سطح پر پہنچ گئی ہے۔ اسی طرح 10 گرام سونے کے دام 2,058 روپے بڑھ کر 3 لاکھ 94 ہزار 149 روپے ہو گئے ہیں۔ گزشتہ 6 دنوں کے دوران فی تولہ سونے کی قیمت میں مجموعی طور پر 31 ہزار 800 روپے کا بڑا اضافہ دیکھا گیا ہے۔ دوسری جانب عالمی مارکیٹ میں فی اونس سونا 24 ڈالر کے اضافے سے 4,373 ڈالر کا ہو گیا ہے، جبکہ مقامی سطح پر فی تولہ چاندی بھی 62 روپے مہنگی ہو کر 6,965 روپے کی سطح پر بند ہوئی۔