ملکی ترقی اور خوشحالی پی ٹی آئی کو ہضم نہیں ہو رہی: عطا تارڑ

وفاقی وزیر اطلاعات و نشریات عطا تارڑ نے کہا ہے کہ پاکستان کی ترقی اور خوشحالی پاکستان تحریک انصاف (پی ٹی آئی) کو ہضم نہیں ہو رہی اور پارٹی ہر اہم موقع پر احتجاج کا اعلان کر کے ملک میں انارکی پھیلانے کی کوشش کرتی ہے۔ وفاقی دارالحکومت میں میڈیا سے گفتگو کرتے ہوئے انہوں نے کہا کہ فائرنگ کے یہ واقعے نے پی ٹی آئی کے مذموم مقاصد کو بے نقاب کر دیا ہے اور یہ ثابت ہو چکا ہے کہ ان کا مقصد صرف امن و امان کی صورت حال کو تباہ کر کے ملک کو نقصان پہنچانا ہے۔

وفاقی وزیر نے مزید کہا کہ موجودہ قیادت ملک کو ترقی کی راہ پر گامزن کرنے کے لیے دن رات کوشاں ہے اور پاکستان کی عوام ہر محاذ پر سرخرو ہوگی۔ ان کا کہنا تھا کہ ملک دشمن عناصر اور سازشیں کرنے والوں کو ہر محاذ پر ناکامی کا سامنا کرنا پڑے گا اور قوم ان کے کسی بھی ناپاک عزائم کو کامیاب نہیں ہونے دے گی۔