امریکا ایران کشیدگی کے حل کے لیے دنیا کی نظریں پاکستان، قطر اور عمان پر مرکوز

امریکی تھنک ٹینک “سٹمسن سنٹر” کی حالیہ تجزیاتی رپورٹ کے مطابق امریکا اور ایران کے درمیان بڑھتی ہوئی کشیدگی اور تنازع کے حل کے لیے عالمی برادری کی نظریں پاکستان، قطر اور عمان کے سفارتی کردار پر مرکوز ہیں۔ رپورٹ میں بتایا گیا ہے کہ اسلام آباد میمورنڈم پر دباؤ کے باوجود پاکستان نے امریکا اور ایران کو دوبارہ مذاکرات کی میز پر لانے کی کوششیں جاری رکھی ہوئی ہیں، جبکہ پاکستان اور قطر نے دونوں فریقین کو جنگ بندی اور گفتگو کی طرف لانے کے لیے ایک مشترکہ تجویز بھی پیش کی ہے۔ تھنک ٹینک کے مطابق واشنگٹن سے دفاعی روابط، تہران سے تاریخی تعلقات اور بیجنگ سے قربت پاکستان کو اس خطے میں ایک منفرد اور قابلِ اعتماد ثالث کی حیثیت فراہم کرتی ہے، اور ایرانی وزیر داخلہ کی حالیہ آمد پاکستان کی ثالثی پر تہران کے کامل اعتماد کا واضح ثبوت ہے۔