پاکستان سٹاک مارکیٹ میں کاروبار کا منفی زون میں آغاز

پاکستان سٹاک ایکسچینج (PSX) میں ہفتے کے دوسرے کاروباری دن کا آغاز شدید منفی زون میں ہوا ہے، جہاں سرمایہ کاروں کی جانب سے منافع بپٹورنے کے رجحان اور بیک وقت فروخت کے دباؤ کے باعث ہنڈرڈ انڈیکس میں 1000 سے زائد پوائنٹس کی بڑی گراوٹ ریکارڈ کی گئی ہے۔

کاروبار کے آغاز پر ہی مارکیٹ میں شدید مندی دیکھنے میں آئی، جس کے نتیجے میں کے ایس ای-100 انڈیکس (KSE-100 Index) 1,000 سے زائد پوائنٹس کم ہو کر 1,80,076 پوائنٹس کی سطح پر آ گیا۔

واضح رہے کہ گزشتہ کاروباری روز کے اختتام پر بھی مارکیٹ میں سستی کا رجحان غالب رہا تھا اور ہنڈرڈ انڈیکس 119 پوائنٹس کی معمولی کمی کے بعد 1,81,310 پوائنٹس کی سطح پر بند ہوا تھا۔ آج کے آغاز میں آنے والی اس بڑی کمی نے مارکیٹ میں سرمایہ کاروں کو محتاط کر دیا ہے۔