وفاقی کابینہ کا اجلاس آج طلب، وزیراعظم شہباز شریف صدارت کریں گے

وفاقی کابینہ کا اہم اجلاس آج طلب کر لیا گیا ہے جس کی صدارت وزیراعظم شہباز شریف کریں گے۔ ذرائع کے مطابق اجلاس میں ملک کو درپیش درپیش معاشی چیلنجز، معاشی استحکام کے لیے حکومتی اقدامات، اور مجموعی معاشی و سیکیورٹی صورتحال کا تفصیلی جائزہ لیا جائے گا۔ اس کے علاوہ ملک میں امن و امان کی صورتحال سے متعلق اہم امور بھی زیرِ بحث لائے جائیں گے۔

ذرائع کا مزید کہنا ہے کہ وزیراعظم شہباز شریف کابینہ ارکان کو پاکستان، سعودی عرب اور ترکیہ کے درمیان طے پانے والے اہم دفاعی معاہدے کے حوالے سے بھی اعتماد میں لیں گے اور اس کے بنیادی نکات، علاقائی اہمیت اور ملک کے لیے ممکنہ اثرات پر بریفنگ دیں گے۔ اجلاس میں دیگر قومی پالیسیوں، حکومتی امور اور معاشی بہتری سے متعلق آئندہ کے لائحہ عمل پر اہم فیصلے متوقع ہیں۔