پاکستان سٹاک مارکیٹ میں زبردست تیزی، 2 ہزار سے زائد پوائنٹس کا اضافہ

امریکی صدر ڈونلڈ ٹرمپ کی جانب سے ایران کے ساتھ مذاکرات کے باضابطہ آغاز کے اعلان کے بعد پاکستان اسٹاک ایکسچینج (PSX) میں کاروباری ہفتے کے پہلے روز زبردست تیزی ریکارڈ کی گئی ہے۔ ٹریڈنگ کے آغاز پر ہی 100 انڈیکس میں 2,700 سے زائد پوائنٹس کا یکمشت اضافہ دیکھا گیا، جس کے نتیجے میں انڈیکس تاریخی بلندی 178,985 پوائنٹس کی سطح کو چھو گیا۔ دن بھر مارکیٹ میں مثبت رجحان غالب رہا اور کاروبار کے اختتام پر ہنڈرڈ انڈیکس 2,105 پوائنٹس کے نمایاں اضافے کے ساتھ 178,200 پوائنٹس کی سطح پر بند ہوا۔ یاد رہے کہ گزشتہ کاروباری ہفتے کے آخری روز 100 انڈیکس 176,094 پوائنٹس پر بند ہوا تھا۔