عالمی و مقامی سطح پر سونے چاندی کی قیمتوں میں نمایاں اضافہ ریکارڈ

بین الاقوامی اور مقامی صرافہ مارکیٹ میں سونے اور چاندی کی قیمتوں میں نمایاں اضافہ ریکارڈ کیا گیا ہے۔ آل صرافہ مارکیٹ جیمز اینڈ جیولرز ایسوسی ایشن کے مطابق مقامی مارکیٹ میں 24 قیراط فی تولہ سونے کی قیمت میں 1,700 روپے کا اضافہ ہوا ہے، جس کے بعد فی تولہ سونا 428,436 روپے کی سطح پر پہنچ گیا ہے۔ اسی طرح 10 گرام سونے کا بھاؤ 1,457 روپے بڑھ کر 367,314 روپے ہو گیا ہے۔ چاندی کی قیمتوں میں بھی تیزی دیکھی گئی، جہاں 24 قیراط فی تولہ چاندی 54 روپے کے اضافے کے بعد 6,291 روپے پر بند ہوئی۔ دوسری جانب عالمی مارکیٹ میں فی اونس سونے کی قیمت میں 17 ڈالر کا اضافہ ہوا، جس کے بعد عالمی سطح پر سونا 4,060 ڈالر فی اونس کی سطح پر پہنچ گیا۔