پاکستان ہاکی ٹیم کی قیادت میں تبدیلی، محمد ابوبکر نئے کپتان مقرر

پاکستان ہاکی فیڈریشن (پی ایچ ایف) نے قومی ہاکی ٹیم کی قیادت میں اہم تبدیلی کرتے ہوئے عماد بٹ کو کپتانی سے ہٹا دیا ہے۔ پی ایچ ایف کے ترجمان کی جانب سے جاری کردہ اعلامیے کے مطابق محمد ابوبکر کو قومی ہاکی ٹیم کا نیا کپتان مقرر کر دیا گیا ہے، جو آئندہ ہونے والے ہاکی ورلڈ کپ میں قومی ٹیم کی قیادت کے فرائض سرانجام دیں گے۔

پاکستان ہاکی فیڈریشن کا کہنا ہے کہ ٹیم کی قیادت میں یہ تبدیلی اور نئی ذمہ داری دینے کا فیصلہ آئندہ ورلڈ کپ کی تیاریوں، کھلاڑیوں کی موجودہ فارم اور جدید حکمتِ عملی کو مدنظر رکھتے ہوئے کیا گیا ہے۔ فیڈریشن نے امید ظاہر کی ہے کہ نئے کپتان کی زیرِ نگرانی ٹیم ورلڈ کپ میں بہترین کارکردگی کا مظاہرہ کرے گی۔