سونے کی قیمت میں 1 ہزار روپے کمی، فی تولہ 4 لاکھ 26 ہزار 436 روپے کا ہو گیا

کراچی کی مقامی صرافہ مارکیٹ میں سونے کی قیمتوں میں کمی جبکہ چاندی کی قیمتوں میں اضافہ ریکارڈ کیا گیا ہے۔ فی تولہ سونا 1,000 روپے کی کمی کے بعد 426,436 روپے کی سطح پر آ گیا ہے، جبکہ 10 گرام سونے کی قیمت میں 857 روپے کی کمی ہوئی جس کے بعد نئی قیمت 365,600 روپے ہو گئی ہے۔ عالمی منڈی میں بھی فی اونس سونا 10 ڈالر سستا ہو کر 4,040 ڈالر کی سطح پر پہنچ گیا ہے۔ دوسری جانب چاندی کی قیمتوں میں برعکس رجحان دیکھا گیا، جہاں فی تولہ چاندی 68 روپے کے اضافے کے بعد 6,291 روپے پر بند ہوئی۔