پاکستان ویسٹ انڈیز ٹیسٹ سیریز: عبد اللہ شفیق کو قومی ٹیسٹ سکواڈ میں شامل کرنے کا امکان

پاکستان اور ویسٹ انڈیز کے درمیان ہونے والی ٹیسٹ سیریز کے لیے مصدوم عبداللہ فضل کی جگہ عبداللہ شفیق کو قومی ٹیسٹ اسکواڈ کا حصہ بنانے کا فیصلہ کیا گیا ہے۔ ذرائع کے مطابق عبداللہ شفیق اس وقت گیانا میں گلوبل سپر لیگ کھیلنے میں مصروف ہیں۔ واضح رہے کہ عبداللہ فضل انجری کے باعث ویسٹ انڈیز اور انگلینڈ کے خلاف اہم ٹیسٹ سیریز سے باہر ہو گئے تھے، جس کے بعد پی سی بی متبادل کھلاڑی کا باضابطہ اعلان جلد کرنے والا ہے۔ دوسری جانب سعود شکیل کو بھی انگلینڈ اور ویسٹ انڈیز کے خلاف سیریز کے لیے ٹیم کا حصہ بنانے کی منظوری دے دی گئی ہے اور ان کی کراچی سے روانگی حتمی مراحل میں داخل ہو چکی ہے۔ پی سی بی کی جانب سے دونوں کھلاڑیوں کی شمولیت کا حتمی اعلان جلد متوقع ہے۔