پی سی بی کے سابق چیف ایگزیکٹو وسیم خان باسکٹ بال کی عالمی تنظیم کے ایگزیکٹو ڈائریکٹر مقرر

پاکستان کرکٹ بورڈ (پی سی بی) کے سابق چیف ایگزیکٹو وسیم خان نے انٹرنیشنل باسکٹ بال فیڈریشن (FIBA) میں اہم عہدہ سنبھال کر کھیل کی دنیا میں نئی ذمہ داری حاصل کر لی ہے۔ عالمی تنظیم نے وسیم خان کو فیبا (FIBA) کا ایگزیکٹو ڈائریکٹر مقرر کرنے کا باضابطہ اعلان کیا ہے۔

وسیم خان نے سوئٹزرلینڈ میں واقع ادارے کے مرکزی دفتر کا دورہ کر کے اپنی سرگرمیوں کا آغاز کر دیا ہے، جبکہ وہ باضابطہ طور پر جنوری 2027 میں اس اہم عہدے کا چارج سنبھالیں گے۔ اس نئی ذمہ داری کے تحت خطے کی 44 باسکٹ بال فیڈریشنز براہِ راست ان کی نگرانی میں کام کریں گی۔

واضح رہے کہ وسیم خان اس سے قبل آئی سی سی (ICC) کے جنرل منیجر کرکٹ کے طور پر خدمات انجام دے رہے تھے اور انہوں نے رواں سال اس عہدے سے سبکدوشی کا اعلان کیا تھا۔ وہ 2019 سے 2021 کے دوران پاکستان کرکٹ بورڈ کے چیف ایگزیکٹو بھی رہ چکے ہیں