پی ایچ ایف کا خواتین کھلاڑیوں کیلئے غیر ملکی کوچ کی خدمات لینے کا فیصلہ

پاکستان ہاکی فیڈریشن (پی ایچ ایف) نے قومی خواتین کھلاڑیوں کی تربیت کے لیے غیر ملکی کوچ کی خدمات حاصل کرنے کا فیصلہ کر لیا ہے۔ ذرائع کے مطابق ویمنز ٹیم کی کوچنگ کے حوالے سے ایک یورپی کوچ کے ساتھ بات چیت حتمی مراحل میں ہے اور امید ظاہر کی جا رہی ہے کہ رواں ماہ کے آخر تک معاملات طے پا جائیں گے۔ نئے یورپی کوچ کی نگرانی میں پاکستان ویمن ہاکی پلیئرز کے یورپ کے دورے بھی ترتیب دیے جائیں گے، جبکہ بیرونِ ملک دوروں میں ٹیم کی جدید انداز میں تربیت اور میچز کا انعقاد بھی نئے کوچ کی ذمہ داریوں کا حصہ ہوگا۔