ایف بی آر کا انکم ٹیکس ریٹرنز جمع کرانے سے متعلق اہم اعلان

فیڈرل بورڈ آف ریونیو (ایف بی آر) نے اعلان کیا ہے کہ ٹیکس سال 2026 کے انکم ٹیکس ریٹرنز جمع کرانے کا باقاعدہ آغاز 27 جولائی سے ہو رہا ہے۔ ترجمان ایف بی آر نے تمام ٹیکس دہندگان کو ہدایت کی ہے کہ وہ اپنے ٹیکس گوشوارے مکمل، درست اور دیانتداری کے ساتھ بروقت جمع کرائیں تاکہ ٹیکس نظام کی شفافیت کو برقرار رکھا جا سکے۔ ترجمان کا مزید کہنا تھا کہ ریٹرنز میں فراہم کی جانے والی تمام معلومات حقیقت پر مبنی ہونی چاہییں، کیونکہ بروقت اور درست معلومات پر مبنی گوشوارے ہی ملک میں ایک مضبوط اور مؤثر ٹیکس نظام کے قیام میں بنیادی کردار ادا کرتے ہیں۔