ڈاکٹر نبیحہ علی کا خلع کیلئے فیملی کورٹ سے رجوع

سوشل ایکٹوسٹ اور معروف ماہرِ نفسیات ڈاکٹر نبیحہ علی خان نے اپنے شوہر سے خلع لینے کے لیے فیملی کورٹ کا دروازہ کھٹکھٹا دیا ہے۔ ڈاکٹر نبیحہ علی نے اپنے وکیل چوہدری مدثر ایڈووکیٹ کی وساطت سے عدالت میں خلع کا دعویٰ دائر کر دیا ہے۔

عدالت میں پیش کیے گئے موقف کے مطابق، انہوں نے اپنے شوہر حارث کھوکھر پر بدسلوکی، گالی گلوچ اور بدترین تشدد کے سنگین الزامات عائد کرتے ہوئے کہا ہے کہ ان کا رویہ غیر انسانی ہے۔ ان کا کہنا ہے کہ وہ اب مزید اپنے شوہر کے ساتھ ازدواجی رشتہ قائم نہیں رکھنا چاہتیں۔ دعوے میں عدالت سے استدعا کی گئی ہے کہ ان کے حق میں فوری طور پر خلع کی ڈگری جاری کی جائے۔