دورہ سری لنکا: پاکستان ویمن کرکٹ ٹیم کولمبو پہنچ گئی

پاکستان ویمن کرکٹ ٹیم ون ڈے اور ٹی ٹوئنٹی سیریز کھیلنے کے لیے سری لنکا پہنچ گئی ہے۔ شیڈول کے مطابق، پاکستانی ویمن اسکواڈ آج کولمبو میں قیام کرے گا، جس کے بعد کل صبح ٹیم ہمبنٹوٹا کے لیے روانہ ہو جائے گی۔ اس دورے میں آئی سی سی چیمپئن شپ کا حصہ بننے والی تین ون ڈے میچوں کی سیریز کے میچز بالترتیب 23، 25 اور 28 جولائی کو کھیلے جائیں گے۔ اس کے بعد دونوں ٹیموں کے درمیان تین ٹی ٹوئنٹی میچوں کی سیریز شیڈول ہے، جس کے میچز 31 جولائی، 2 اگست اور 4 اگست کو کھیلے جائیں گے۔ قومی خواتین ٹیم اس سیریز میں شاندار کارکردگی کا مظاہرہ کرنے کے لیے پرعزم ہے۔