امریکی نائب صدر جے ڈی وینس کے ہاں چوتھے بچے کی ولادت؛ نوزائیدہ بیٹے کا نام ایلک نیل وینس رکھ دیا

امریکی نائب صدر جے ڈی وینس اور سیکنڈ لیڈی اسشا وینس کے ہاں چوتھے بچے کی ولادت ہوئی ہے، جس کا نام انہوں نے ‘ایلک نیل وینس’ (Alec Neel Vance) رکھا ہے۔ جوڑے نے انسٹاگرام پر مشترکہ پوسٹ کے ذریعے اتوار کی صبح بچے کی پیدائش کی خوشخبری بتاتے ہوئے کہا کہ والدہ اور بچہ دونوں خیریت سے ہیں اور ان کے دیگر 3 بچے اپنے نئے بھائی سے مل کر بے حد خوش ہیں۔ امریکی صدر ڈونلڈ ٹرمپ نے ٹروتھ سوشل پر بچے کی تصویر شیئر کرتے ہوئے وینس فیملی کو مبارکباد پیش کی۔ وینس جوڑے نے والٹر ریڈ میڈیکل سینٹر اور وائٹ ہاؤس میڈیکل یونٹ کے ملٹری ڈاکٹرز اور اسٹااف کا بہترین دیکھ بھال پر شکریہ ادا کیا۔ واضح رہے کہ 2014 میں شادی کے بندھن میں بندھنے والے جے ڈی اور اسشا وینس کے پہلے بھی دو بیٹے ایوان (Ewan) اور وویک (Vivek) اور ایک بیٹی میرابیل (Mirabel) ہیں۔