سیرت النبیﷺ پوری انسانیت کیلئے رحمت، عدل، امن کی ابدی روشنی ہے: بلاول بھٹو

اکستان پیپلز پارٹی (پی پی پی) کے چیئرمین بلاول بھٹو زرداری نے 12 ربیع الاول 1448ھ کے بابرکت موقع پر پاکستانی قوم اور پوری امتِ مسلمہ کو سرورِ کائنات، نبیِ آخر الزماں حضرت محمد مصطفیٰ ﷺ کی ولادتِ باسعادت پر دل کی گہرائیوں سے مبارکباد پیش کی ہے۔ اپنے پیغام میں انہوں نے کہا کہ حضورِ اکرم ﷺ کی سیرتِ طیبہ پوری انسانیت کے لیے رحمت، عدل، شفقت اور امن کی ابدی روشنی ہے۔ بلاول بھٹو نے اس بات پر زور دیا کہ انسانیت کی حقیقی فلاح اور نجات آپ ﷺ کے اسوۂ حسنہ پر عمل پیرا ہونے، مظلوموں کا سہارا بننے اور عفو و درگزر کی روایت کو فروغ دینے میں مضمر ہے۔ انہوں نے قوم سے اپیل کی کہ وہ نبی کریم ﷺ کی حیاتِ مبارکہ کی روشنی میں باہمی اخوت، رواداری اور انسانیت کی خدمت کے عزم کی تجدید کریں۔