کاروباری ہفتے کے پہلے روز سٹاک مارکیٹ میں شدید مندی کا رجحان

پاکستان اسٹاک ایکسچینج میں کاروباری ہفتے کے پہلے روز شدید اتار چڑھاؤ کے بعد شدید مندی دیکھنے میں آئی ہے، جہاں 100 انڈیکس میں 2000 سے زائد پوائنٹس کی بڑی کمی ریکارڈ کی گئی۔ اس مندی کے نتیجے میں اسٹاک مارکیٹ 1 لاکھ 73 ہزار 636 پوائنٹس کی سطح پر آ گئی۔ واضح رہے کہ گزشتہ کاروباری ہفتے کے اختتام پر 100 انڈیکس 1 لاکھ 75 ہزار 802 پوائنٹس پر بند ہوا تھا، تاہم نئے ہفتے کے آغاز پر سرمایہ کاروں کی محتاط روش کے باعث مارکیٹ پر منفی اثرات غالب رہے۔ دوسری جانب روپے کے مقابلے میں غیر ملکی کرنسی کی قدر مستحکم نظر آئی، جہاں انٹر بینک میں امریکی ڈالر بغیر کسی بڑی تبدیلی کے 277 روپے 96 پیسے کی سطح پر برقرار رہا۔