پاکستان ویسٹ انڈیز ٹیسٹ سیریز: قومی سکواڈ کی کلب میں نیٹ پریکٹس

ویسٹ انڈیز کے خلاف  ٹیسٹ سیریز کے لیے پاکستان کے قومی ٹیسٹ اسکواڈ نے کوئینز پارک کرکٹ کلب میں ڈیرے ڈال دیے ہیں، جہاں کھلاڑیوں نے بیٹنگ اور باؤلنگ کا بھرپور نیٹ سیشن کیا۔ ہیڈ کوچ سرفراز احمد اور بیٹنگ کوچ اسد شفیق کی خصوصی نگرانی میں بیٹرز نے کریز پر اپنی تکنیکی مہارتوں کو بہتر بنانے پر کام کیا، جبکہ باؤلنگ کوچ عمر گل نے باؤلرز کو لائن اینڈ لینتھ اور ہدف پر مبنی باؤلنگ کی کڑی مشقیں کروائیں۔ نیٹ سیشن کا آغاز کرنے سے پہلے کھلاڑیوں نے فیلڈنگ ڈرلز میں بھی حصہ لیا تاکہ فٹنس اور فیلڈنگ کا معیار برقرار رکھا جا سکے۔ واضح رہے کہ پاکستان اور ویسٹ انڈیز کے درمیان دو ٹیسٹ میچوں پر مشتمل سیریز کا پہلا مقابلہ 25 جولائی سے شروع ہوگا۔