مالی سال 26ء میں پاکستان کا کرنٹ اکاؤنٹ خسارہ 13 کروڑ 90 لاکھ ڈالر رہا؛ اسٹیٹ بینک نے نئے اعداد و شمار جاری

بینک دولت پاکستان (اسٹیٹ بینک) نے مالی سال 2026ء کے کرنٹ اکاؤنٹ کے حتمی اعداد و شمار جاری کر دیے ہیں، جس کے مطابق مالی سال 26ء میں پاکستان کا کرنٹ اکاؤنٹ 13 کروڑ 90 لاکھ ڈالر خسارے میں رہا ہے۔ مرکزی بینک کا کہنا ہے کہ یہ خسارہ گورنر اسٹیٹ بینک کے جی ڈی پی کے صفر سے ایک فیصد تک کے لگائے گئے تخمینے کے عین مطابق ہے۔ اس کے برعکس، گزشتہ مالی سال 2025ء کے دوران ملکی کرنٹ اکاؤنٹ 1 ارب 84 کروڑ ڈالر سرپلس ریکارڈ کیا گیا تھا۔ ماہانہ بنیادوں پر دیکھا جائے تو جون 2026ء میں کرنٹ اکاؤنٹ کو 64 کروڑ 90 لاکھ ڈالر کا خسارہ سامنا رہا، جبکہ اس کے مقابلے میں جون 2025ء میں 22 کروڑ ڈالر کا سرپلس اور مئی 2026ء میں ملکی کرنٹ اکاؤنٹ 50 کروڑ ڈالر سرپلس ریکارڈ ہوا تھا۔