مشرق وسطیٰ میں دوبارہ کشیدگی، سٹاک مارکیٹ میں شدید مندی

پاکستان سٹاک ایکسچینج (PSX) میں کاروباری ہفتے کے تیسرے روز شدید منفی رجحان ریکارڈ کیا گیا ہے اور ہنڈرڈ انڈیکس ہزاروں پوائنٹس کی بڑی گراوٹ کے ساتھ بند ہوا ہے۔

تفصیلات کے مطابق، بدھ کے روز کاروبار کے آغاز سے ہی مارکیٹ شدید مندی کی زد میں رہی۔ ابتدائی چند گھنٹوں میں ہی انڈیکس 2700 سے زائد پوائنٹس گر گیا، جس کے باعث انڈیکس ایک لاکھ 83 ہزار 528 پوائنٹس کی سطح پر آ گیا۔

ٹریڈنگ کے دوران سرمایہ کاروں کی جانب سے شیئرز کی بڑے پیمانے پر فروخت کے باعث یہ منفی رجحان آخر تک برقرار رہا۔ کاروباری روز کے اختتام پر پاکستان سٹاک مارکیٹ کا ہنڈرڈ انڈیکس مجموعی طور پر 4,626 پوائنٹس کی بھاری کمی کے ساتھ یک لاکھ 81 ہزار 629 پوائنٹس کی سطح پر بند ہوا۔

واضح رہے کہ سٹاک مارکیٹ میں مندی کا یہ سلسلہ گزشتہ روز سے جاری ہے۔ گزشتہ کاروباری روز کے اختتام پر بھی ہنڈرڈ انڈیکس 1,199 پوائنٹس کی کمی کے ساتھ ایک لاکھ 86 ہزار 255 پوائنٹس کی سطح پر بند ہوا تھا، تاہم آج کی مڈ ویک کریش نے سرمایہ کاروں کے اربوں روپے ڈبو دیے ہیں