پاکستان سٹاک مارکیٹ میں کاروبار کے دوران شدید مندی کا رجحان

پاکستان اسٹاک مارکیٹ (PSX) میں کاروباری ہفتے کے تیسرے روز شدید منفی رجحان ریکارڈ کیا گیا ہے، جہاں کاروبار کے آغاز پر ہی مارکیٹ کریش کر گئی۔ ٹریڈنگ کے دوران انڈیکس میں 2700 سے زائد پوائنٹس کی تاریخی کمی دیکھنے میں آئی، جس کے باعث پاکستان اسٹاک ایکسچینج کا ہنڈرڈ انڈیکس گر کر ایک لاکھ 83 ہزار 528 پوائنٹس کی سطح پر آ گیا۔ واضح رہے کہ گزشتہ کاروباری روز بھی مارکیٹ مندی کا شکار رہی تھی اور ہنڈرڈ انڈیکس 1199 پوائنٹس کی گراوٹ کے ساتھ ایک لاکھ 86 ہزار 255 پوائنٹس کی سطح پر بند ہوا تھا، تاہم آج مسلسل دوسرے روز ریکارڈ مندی نے سرمایہ کاروں میں تشویش کی لہر دوڑا دی ہے۔