LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
ٹرمپ نے ایران جنگ ختم کروانے کیلئے چین اور روس سے مدد لینے کا امکان مسترد کر دیا بلوچستان میں امن، خوشحالی، پائیدار ترقی کیلئے پاک فوج کا غیر متزلزل عزم برقرار ہے: فیلڈ مارشل عالمی امن کیلئے باہمی تعاون پر مبنی سلامتی پالیسی ناگزیر ہے، وزیر دفاع مشرق وسطیٰ میں کشیدگی کے باوجود خلیجی ممالک محفوظ ترین ممالک میں سرفہرست اسرائیل کا غزہ میں بڑا فوجی آپریشن، ٹینکوں کی پیش قدمی، ہزاروں فلسطینیوں کی نقل مکانی سربراہ امریکی سینٹرل کمانڈ کا اسرائیل کا دورہ، آرمی چیف سمیت اعلیٰ حکام سے ملاقاتیں ایرانی نیٹ ورکس کیخلاف کریک ڈاؤن: امریکا کی لبنان میں مقیم 3 افراد اور اداروں پر پابندیاں عائد سعودیہ نے حوثی باغیوں کے داغے گئے 2 میزائل اور 2 ڈرونز تباہ کر دیئے یمنی افواج کی حوثی ملیشیا کے ٹھکانوں پر شدید فضائی، زمینی کارروائیاں، 142 جنگجو ہلاک امارات میں ایکو واک 2026ء کا انعقاد، 500 سے زائد افراد نے ماحولیاتی تحفظ کا پیغام دیا سعودیہ کی حوثی باغیوں کیخلاف مہم آئندہ سال تک طویل کرنے کی تیاری بلغاریہ میں پانچ سال تک بڑے سائبر حملوں، ہیکنگ آپریشن کا انکشاف صدر پوتن اور شی جن پنگ کے درمیان مذاکرات مفید اور بامقصد رہے، روسی صدارتی معاون مغربی سینیگال کے ساحل پر تارکین وطن کی کشتی الٹنے سے ایک شخص ہلاک عجمان میں پہلے عالمی میڈیا فورم 2026ء کا انعقاد، 17 ممالک کے 68 مقررین شریک

لاہور میں غیر ملکی خواتین کے اغوا و زیادتی کیس میں اہم انکشافات؛ گینگ کا سرغنہ ‘وحید طاہر’ نکلا، اعضاء فروخت کرنے کی دھمکیاں دینے کا انکشاف

Web Desk

6 July 2026

صوبائی دارالحکومت لاہور میں دو غیر ملکی خواتین کے ہائی پروفائل اغواء برائے تاوان اور مبینہ زیادتی کے کیس میں انتہائی سنسنی خیز اور اہم انکشافات سامنے آئے ہیں۔ ذرائع کے مطابق، اس پورے واقعے میں ‘باس’ کا مرکزی کردار ادا کرنے والے گینگ کے سرغنہ کی شناخت وحید طاہر کے نام سے ہو گئی ہے۔

ذرائع کا کہنا ہے کہ ملزم وحید طاہر کا تعلق اوکاڑہ کے علاقے عزیز پارک سے ہے، جہاں اس کی فیملی رہائش پذیر ہے، جبکہ ملزم خود جرائم کی دنیا میں سرگرم رہنے اور پولیس سے بچنے کے لیے لاہور میں مقیم تھا اور اپنی شناخت چھپانے کے لیے بار بار رہائش گاہ تبدیل کرتا رہتا تھا۔

کیس کی تفتیش سے جڑے ذرائع نے انکشاف کیا ہے کہ ملزم وحید طاہر نے مغوی غیر ملکی خواتین سے 15 لاکھ ڈالر تاوان کا مطالبہ کر رکھا تھا اور رقم ادا نہ کرنے کی صورت میں ان کے جسمانی اعضاء نکال کر فروخت کرنے کی ہولناک دھمکیاں دی تھیں۔ غیر ملکی خواتین پر بہیمانہ تشدد کرنے والے کارندے کوئی اور نہیں بلکہ ملزم وحید طاہر کے ذاتی گن مین تھے۔

ذرائع کے مطابق، ملزم وحید طاہر کوئی معمولی جرائم پیشہ نہیں بلکہ ایک عادی اور انتہائی خطرناک ملزم ہے جو طویل عرصے سے سنگین وارداتوں میں ملوث رہا ہے۔ ملزم کے خلاف قتل، پولیس مقابلے اور گردوں کی غیر قانونی پیوند کاری (Illegal Kidney Transplant) جیسے مکروہ دھندے کے متعدد مقدمات درج ہیں۔ وہ ماضی میں بھی گردوں کی غیر قانونی پیوند کاری کے الزام میں پولیس کے ہاتھوں گرفتار ہو چکا ہے۔ اس کے علاوہ، ملزم خطرناک کیمیکل نشے ‘آئس’ کا شدید عادی بھی ہے۔

کیس میں اس اہم پیش رفت کے بعد اب ملزم وحید طاہر کا شناختی کارڈ اور تصویر بھی منظرِ عام پر آ گئی ہے، جس کے بعد پولیس نے ملزم اور اس کے گن مینوں کی گرفتاری کے لیے گھیرا مزید تنگ کر دیا ہے۔